[
Yahoo! 娛樂圈]
電影《衝鋒車》充滿黑色幽默，不乏好評。好多人發現片尾有出現特別鳴謝：黃子華。等等，點解成套戲都見過男神黃子華嘅？點解既點解既點解既？ 好多人就估黃子華嘅戲份被人刪咗。導演劉浩良近日就喺微博回應，話因為某啲原因，令「消失的片段」唔可以播出，但佢會努力令呢段「消失的片段」可以重見天日。
電影中黃子華飾演嘅「張寶強」養咗大量曱甴，幾乎令到香港癱瘓。哦，咁導演所指嘅「消失的片段」應該就係張寶強嘅戲份啦！有網友就估可能因為曱甴會令人聯想到另一種會飛嘅害蟲，而呢種害蟲又好有政治隱喻…….
