æ¯æ—¥æ–°èž
【FACE校園】教院索女Carrie 六個學生的老師
愛心爆棚的 20歲沈嘉怡( Carrie),現就讀香港教育學院英國語文教育 Yr.3,三年前朋友介紹下開始為有學習障礙的 4歲小朋友補習,一開始小朋友對她不瞅不睬,更不停掟東西發脾氣,不過 Carrie耐性爆燈,「補咗兩年,家有個男仔仲話要娶我做老婆!對小朋友最緊要有耐性!」
回想起三年前第一次上門補習, Carrie記憶猶新,「未上對方屋企之前都知小朋友有學習障礙,佢係一個讀國際學校嘅四歲小朋友,家長唔想畀人知,所以就安排人上門教,一上到去小朋友對我好抗拒,上堂又好唔專心,甚至會用鉛筆掟我,又無啦啦尖叫或者大喊!其實佢哋情緒失控係因為冇信心,只要我畀多啲肯定佢、畀信心佢,情況就可以改善,到咗第八、九堂,我哋關係已經好好,小朋友仲話要娶我返屋企!」
【金像獎】黃秋生頒最佳導演獎暗喻要真普選
今日舉行第34屆香港電影金像獎頒獎典禮,一向敢言的黃秋生擔任最佳電影頒獎嘉賓,他於頒發獎項前表示,主辦單位邀請他任頒獎嘉賓時,他曾要求任大會司儀,但笑稱自己「癲癲地」指對方怕自己失言而婉拒,他表示不要任嘉賓,並在台上高呼:「我要真………係做司儀」。
黃秋生表示,他收到獲邀任嘉賓時,曾多次向大會要求任司儀,但對方指:「不如頒男主角?」他回應指:「做司儀!」對方又謂:「不如頒女主角?」他再回應:「做司儀都話!」其後對方表示:「不如頒男配角」,黃秋生即在台上表示:「我要真……係做司儀!之後靜咗十幾秒,佢哋話不如咁吖,有商有量吖,試吓頒最佳導演吖,袋住先啦!」,言論贏得台下雷動掌聲。
80後炒股賺首期圓上車夢
【太陽報專訊】【本報訊】港股大時代,有人選擇「按咗層樓」加碼投資股市,有人則選擇沽股買「磚頭」。一名八十後年輕人,見近日股市急漲,遂調撥部分首期資金投資股票,獲利後隨即套現,首期變得充裕下,終於斥資425萬元買入青衣青怡花園一個單位圓上車夢。
有散戶「按咗層樓」加碼
利嘉閣市務經理彭錦添透露,一名來自九龍區的八十後年輕人,鍾情青衣區屋苑配套,原先預算以約40萬元首期、九成樓按在區內選購樓價約400萬元單位,睇樓已經一個多月,可惜未能物色到心水單位。近日股市急漲,這名年輕人調動部分首期資金投資股票,獲利後隨即套現,估計獲利達六位數字。首期變得充裕下,與業主僅議價5萬元後,以425萬元購入青怡花園一個極高層實用面積343方呎單位,首期約65萬元,單位實用呎價12,391元,成交價及呎價均創同類單位新高。